Koom Txoos Kuaj Mob
March 1st, 2026
Lub Tsev Kho Mob UC Davis
4301 X St, Sacramento, CA 95817
Lub Koom Txoos Kuaj Mob yog dab tsi?
Lub Koom Txoos Kuaj Mob yog ib qho kev tshwm txhua xyoo uas Paul Hom Asian Clinic thiab nws cov sister clinics — VN CARES thiab HLUB — tuav ntawm UC Davis School of Medicine hauv Sacramento.
Rau Health Fair, peb muab kev pab primary care los pab cov neeg mob nrhiav kev kho mob uas lawv xav tau, thiab tseem muaj ntau yam specialty clinics xws li kev kuaj plawv thiab ntsws, kev kuaj hlwb, kev kuaj qhov muag, kuaj pob txha (bone density), kev pab nyuaj thiab ntxhov siab, kev kawm txog cov kab mob ntawm poj niam lub cev, ntshav qab zib, thiab ntau ntxiv. Xyoo 2025, peb koom tes nrog Willow Dental Clinic los muab kev kuaj hniav pub dawb!
Qhov ua rau peb lub koom txoos txawv ntawm lwm chaws yog qhov tias peb muaj cov txhais lus rau ntau yam hom lus. Thaum tuaj rau peb lub koom txoos, peb xav koj txhuas leej txhuas tus hnov tias peb hwm lawv thiab nyob sov siab tau. Peb cov txhais lus yog tub ntxhais kawm ntawv qib siab. Lawv koom tes nrog ib cos tub ntxhais kawm kho mob thiab kws kho mob los pab txhuas tus neeg hos tuaj ntsib peb.
Qhov kev tshwm sim no yog pub dawb thiab los ntawm cov tub ntxhais kawm, cov kws kho mob, cov yeem pab, thiab lub zej zog ua sib koom tes kom ntsib peb lub hom phiaj pab cov neeg hauv Sacramento uas tsis muaj kev pab txaus. Lub koom txoos tsis yog tias tsuas muaj kev kho mob xwb, tab sis tseem ua kev zoo siab rau ntau yam kab lis kev cai, thiab tsim ib qho chaw uas cov neeg mob hnov tias muaj nqis thiab tau txais kev txhawb nqa. Xyoo 2025, muaj ntau tshaj 90 tus neeg tuaj koom, tau txais kev kho mob pub dawb, noj su dawb, kev lom zem, khoom plig, thiab hnab uas muaj ntaub ntawv kev noj qab haus huv.
Peb yuav tshaj tawm peb lub koom txoos rau lub xyoo 2026 cov kev pab sai li sai tau!
Xyoo 2025, peb pab tau 91 tus neeg mob pub dawb hauv tsawg dua 6 teev!
Peb cia siab yuav txuas ntxiv txhim kho thiab muab kev kho mob zoo!
Kev faib neeg mob raws li hom lus:
Cov kev pab twg muaj nyob tim peb lub Koom Txoos Kuaj Mob?
Pab Muab Insrance: kev pab txog insurance, suav nrog kev sau npe thiab tswj kev thov, thiab kev xa mus rau lwm qhov chaws kho mob thiab kws kho mob tshwj xeeb los ntawm DRI thiab SPIRIT. Peb cov neeg txhais lus hauv clinic yuav pab kom cov neeg mob nkag tau yooj yim rau peb cov kev pab.
Kuaj Kab Mob Siab: Lub Tswv Cuab Kev Kho Mob (Health Fair) yog ib lub cib fim zoo rau peb lub zej zog, nrog rau koj thiab, tuaj ntsuam xyuas seb puas muaj mob siab (hepatitis) B thiab C. Peb pab pawg neeg ua hauj lwm yuav saib xyuas thiab pab qhia tswv yim kom zoo, txhawm rau pab koj nrhiav kev tiv thaiv kom koj lub cev khov kho thiab nyob tsam xeeb. Txhua txhua xyoo, peb ntsuam xyuas ntau caum leej hauv peb lub zej zog, thiab muab kev qhia ntawv dawb nrog rau khoom plig me me kom koj thiaj li tuaj yeem tswj thiab saib xyuas tau koj lub siab txoj kev noj qab haus huv!
Kuaj Qhov Muag: Kev kuaj lub ntsiab muag, kev kuaj seb qhov muag puas tawv txaus, kev kuaj kev pom kev kom tseeb, kev kuaj siv lub tsom iav loj, thiab kev kuaj daim tawv tom qab qhov muag kom ntxaws. Hauv lub xyoo 2025, peb tau saib xyuas tag nrho 24 tus neeg mob!
Cardiopulmonary: kuaj plawv (EKG) thiab kuaj ntshav siab ntawm koj pob taws (ABI) pub dawb.
Dental: Kev kuaj qhov ncauj thiab hniav, kev xa mus rau kev pab kho hniav, thiab muab oral health kits pub dawb.
Kauj Ntshav Qab Zib:
-
Kev qhia txog ntshav qab zib: kev sab laj nrog peb tus kws kho mob Dr. Lee; kuaj HbA1C rau cov neeg xav tau.
-
Sab laj nrog peb cov kws saib xyuas khoom noj thiab haus. Tom qab, lawv mam muab ib daim ntawv ntxiv qhia koj noj ab tsi kom yuag losis kom noj qab nyob zoo.
-
Peb cov tub ntxhais kawm kho mob yuav qhia koj txog ncab koj cev li cas thiaj ua rau koj yuag thiab nyob kom zoo tshaj.
Kev Kuaj Hlwb: Muaj kev ntsuam xyuas nrog kws kho mob txog lub hlwb dawb txog txhua yam kev txhawj xeeb txog cov leeg hlwb. Lawv kuj muaj ib tug neeg sawv cev tuaj ntawm lub koom haum Alzheimer’s Association uas tuaj yeem teb tau txhua cov lus nug. Ntxiv mus, lawv tseem muaj cov ntaub ntawv qhia paub rau cov neeg mob kom kawm tau ntau ntxiv txog mob tsis nco qab (Alzheimer’s) thiab dementia, xws li daim ntawv ntsuam xyuas mob tsis nco qab AD8.
Kev Kuaj Nyuaj Siab thiab Ntxhov Siab: Kev kuaj siab ntsws pub dawb siv PHQ-9 thiab GAD-7 los txheeb xyuas kev nyuaj siab thiab kev ntxhov siab. Kuj muaj kws kho mob los tham nrog cov neeg mob. Txuas Ntxiv ntawv, peb kuj muab kev pab thiab kev xa mus rau cov neeg xav ntsib thiab tham nrog ib tug kws (therapist).
Kev Pab Nrhiav Tshuaj (PAP): Los ntawm kev koom tes nrog lub tsev kawm ntawv qhia tshuaj UCSF, lub koom haum PAP muaj kev kuaj pob txha pub dawb. Kev ntsuam xyuas no ceev ceev li tsib no thi yog tsim los ntsuas koj pob txha li zog. Txawm tias qhov kev kuaj no tsis yog daim ntawv kuaj nrhiav kab mob tseeb, qhov ntsuam xyuas no tseem yog ib lub cuab yeej tseem ceeb los pab nrhiav seb cov neeg twg uas yuav tsum tau mus ntsuam xyuas ntxiv lossis mus ntsib kws kho mob thawj koom ruam. Tsis tas li ntawd, tseem muaj cov kws muab tshuaj nyob ntawm chaw npaj txhij teb cov lus nug txog tshuaj thiab muab kev cob qhia rau koj tus kheej.
Kev Kuaj Khees Xaws: Kev kuaj mis, kev sab laj kws kho mob ntawm poj niam lub tsev menyuam, thiab kev qhia txog kev noj qab haus huv rau poj niam pub dawb.
